Patrimòniu Documentale

Archìviu de Istadu de Nùgoro
S’Archìviu de Istadu de Nùgoro at cumpetèntzia in su territòriu de sa provìntzia, nàschida in su 1927 pro efetu de su r.d. 2 de ghennàrgiu 1927, n. 1. S'Istitutu chistit una sienda documentària de belle dòighi mìgia unidades, partzidas in fundos, de sos cales sos prus importantes sunt: Atos notariles, Prefetura, Sessadu catastu, Tribunale, Preturas, Cuestura, a sos cales s’annanghent lassas privadas de documentos e libros.
Sa sienda est in aumentu costante. Àteros aprofundimentos podent èssere leados dae su SIAS – Sistema Informativu de sos Archìvios de Istadu – su portale pro sa descritzione de sos cumplessos documentàrios chistidos in sos Archìvios de Istadu italianos
http://www.archivi-sias.it/.

Archìvios notariles (secc. XVI-XX)
Su fundu mantenet unu ordinamentu pro Tapas de Insinuatzione e incluit siat atos originales de sos notajos siat atos de sos ufìtzios de Insinuatzione, inditados in sa sèrie comente Atos diversos. In su 1738 fiant istadas istituidas in Sardigna, pro sa registratzione e pro costoire sos atos notariles sas Tapas de Insinuatzione. Sa funtzione issoro fiat dòpia: a un’ala sos notajos bi registraiant o “insinuaiant” sos atos manu a manu rogados, a s’àtera chistiant sos atos originales de sos notajos una borta sessada s’atividade issoro.
In su de Nùgoro operaiant sas Tapas de Insinuatzione de Nùgoro, Olìana, Bosa, Cùglieri e Sòrgono.
Posca sas Tapas fiant istadas remplasadas cun sos Ufìtzios de su Registru e sa funtzione fiat istada atribuida a sos Archìvios notariles distretuales.

Sessadu Catastu (1848-1930)
Fiat istadu cumpiladu in su 1851 e riformadu a segus de sos disponimentos de su 1866, in base a sas rilevatziones trigonomètricas fatas moende dae su 1840 dae su Real Corpus de Istadu Magiore.

Documentatzione: su Catastu Terrinos, chi pertocat 100 biddas, est costituidu dae sas mapas in relata a sos Benes rurales e dae sas Tauleddas de Rilievu, custas ùrtimas redatzionadas dae Alberto La Marmora e Carlo De Candia, e dae sos registros partitàrios, sommariones, matrìculas, matritzes de sos Benes Rurales, repertòrios, elencos, tàulas censuarias, prontuàrios, fratzionamentos, rubricas.

Ufìtziu de sas Impostas Diretas de Nùgoro: incluit mapas e registros de su catastu Terrinos (29 biddas) e de su catastu Fràigos (29 biddas).

Tribunale (1863-1994)
Incluit Atos tziviles e voluntària giurisditzione, Corte de Assise, Protzedimentos penales e tziviles, Sentèntzias penales e tziviles, Ufìtziu de Contziliadura de Nùgoro.

Istadu tzivile aa. 1866-1911 - Còpia digitale
Versadu dae su Tribunale de Nùgoro in su 2011, est costituidu dae sos registros de sas nàschidas, de sas cojas e de sas mortes de su tzircundàriu de Nùgoro. At a èssere abertu petzi a sa consultatzione de sos utentes, pro chircas istòricas, demogràficas e genealògicas.

Procura de su Regnu a pustis de sa Repùblica in su Tribunale de Nùgoro (1847-1980)
Incluit Protzessos penales, documentatzione alienados, Esecutziones, Registros de controlleria e vàrios.
2 Registros de sas Càusas Criminales de su Regnu de Sardigna annu 1847 e annu 1851 (digitalizadu).

Prefetura (1900-1965)
Su Fundu incluit sas sèrie Gabineto, Archìviu generale, Ragioneria, Afares de gherra, Terras egadas.
In su 1927 sa suta prefetura chi dipendiat dae sa Prefetura de Tàtari càmbiat in Prefetura ismanniende sa tzircuscritzione.

Cuestura (1930-1960)
Su Fundu est costituidu dae sa sèrie Gabineto, Politzia giuditziària, Politzia amministrativa, Fascìculos personales e confinados e soversivos polìticos, Protocollos.

Preturas e Giudicaduras (secc. XIX-XX)
Prefeturas de Nùgoro, Macumere, Orane, Tortolì e Bono sede isgiunta de Bolòtana, incluint càusas tziviles e penales, sentèntzias tziviles e penales, protzedimentos tziviles, penales e afares diversos. Sa documentatzione prima de su 1865 si referit a sas Giudicaduras pretzedentes e, pro Macumere e Tortolì, finas a sa Cùria, chi esertzitaiat giurisditzione tzivile e penale.

Ufìtziu de su Registru de Bosa e Ufìtziu de Insinuatzione (1797-1928)
Incluit pregones, leges e tzirculares. Sos atos pretzedentes de s’Unidade de Itàlia faghent parte de s’Ufìtziu Insinuatzione.

Ragioneria provintziale de s’Istadu (1935-1946)
Su Fundu incluit sas sèrie Contributos radiofònicos, Ammassu lana e ògiu, Fundu cultu e Benes immòbiles ex-fàsciu.

Corporatziones religiosas suprimidos e Entes eclesiàsticos (secc. XVII-XIX)
Su Fundu incluit sas cartas de sos entes religiosos suprimidos versados a s’Archìviu dae s’Ufìtziu de su Registru de Bosa e sunt istadas produidas dae Caputzinos e Carmelitanos de Bosa, Caputzinos e Servos de Maria de Cùglieri, Capellania de Santulussùrgiu, Capellania de su Rosàriu de Tresnuraghes e Parròchia de Sennarìolo.

Archìvios de famìlias e pessones (secc. XIX-XX)
Est costituidu dae sas cartas donadas dae sa famìllia Delitala de Orane.

Regortas e miscellàneas
Incluint duas pergamenas antigas, de su 1545 e de su 1770.

Proveditoradu a sos istùdios (1936-1955)
Rubricas e protocollos.

Sas diretziones didàticas (secc. XIX-XX)
Incluint sos registros de classe, sos esames, sas istatìsticas, sos afares diversos de sas iscolas elementares chi benint dae Bolòtana e dae Cùglieri.

Ufìtziu de leva de Nùgoro (1835-1925)
incluit sas listas de leva e de estratzione, sos registros summàrios e sos registros revisione riformados de sos tzircundàrios de Nùgoro, Aristanis e Lanusè.

GIL(gioventude italiana de su Litòriu)
In fase de assentu.

Pretura de Bono sede istagiada de Bolòtana e Giùighe de su Mandamentu de Bolòtana (1822-1964)
In fase de assentu.

Depòsitu temporàneu
Bìbbia (in inglesu) tomu 2: Rivelatziones de Ezechiele cun illustratziones de Gustavo Doré, Londra, Cassel and Company, S.D


N.B. – Sa boghe est istada ammaniada leende in cunsideru, pro sos versamentos prima de su 2004, sa Guida generale pro sos Archìvios, 1986.