Isportellu Linguìsticu


Sos isportellos linguìsticos territoriales (connotos comente Ufìtzios de sa Limba Sarda) naschent pro more de sa lege natzionale 482/1999 e de su D.P.R. 345 de su 2 de maju de su 2001. Sa funtzione de custos isportellos est sa de assegurare sa presèntzia in totue de operadores cumpetentes chi potzant fàghere promotzione a sa limba sarda dende·li visibilidade in intro de sas amministratziones pùblicas e de sos logos in ue s’agatant. Custos ufìtzios los ant ativados in belle totus sas realidades sardas.

Sa funtzione primària de sos isportellos linguìsticos est de fàghere promotzione de sa limba, e pro fàghere custu tocat in antis de totu chi s’ufìtziu siat visìbile e bene collegadu cun totu sos ufìtzios de s’ente in ue òperat. Chie ànimat s’ufìtziu est s’operadore, chi in antis de totu depet connòschere bene sa limba faeddada e sas normas de sa limba iscrita. In prus depet tènnere finas sa capatzidade de cumprèndere sas chi podent èssere sas atziones de polìtica linguìstica prus adatas in su territòriu.

Nessun commento:

Posta un commento